“Dövlət Vergi Xidmətindən qeydiyyatdan keçdikdə obyektin məlumatları sistemimizə inteqrasiya olunur”.

Xeber-ps.com xəbər verir ki, bu barədə Elektron Hökumətin İnkişafı Mərkəzinin Layihə idarəetmə ofisinin müdiri Aynur Qurbanlı məlumat verib.

O bildirib ki, məkan sahibi sistemə daxil olduqda obyekt məlumatlarını Elektron Hökumətin İnkişafı Mərkəzinin sistemində də görə biləcək:

“Sistemdə obyektini qeydiyyatdan keçirməyibsə, bu zaman sahibkar birbaşa Dövlət Vergi Xidmətinə müraciət edərək obyektini qeydiyyatdan keçirməli olacaq. Obyekt qeydiyyatdan keçirildikdə zallar haqqında məlumatları daxil etməlidir. Obyektdə yerləşən zalın adı, zalın sahəsini, Nazirlər Kabinetinin müvafiq qərarına əsasən sahə üzrə limitləri qeyd edirlər. Növbəti mərhələdə tədbirlə bağlı məlumatları qeyd edə bilərlər”.

EHİM rəsmisinin sözlərinə görə, tədbirdən 5 gün əvvəl məlumatlar daxil edilməlidir, beş gündən az müddətdə müraciət etdikdə sistemə girişə icazə verilmir.

Nigar Məmmədova