Ekvadorda bir qrup gənc ölən dostlarının meyitini tabutdan çıxararaq motosikletə mindiriblər.

“Haber Global” məlumat verir ki, hadisə Portoviejo şəhərində baş verib.

İki nəfər tərəfindən silahla vurularaq öldürülən 21 yaşlı gənc dəfnə aparılan zaman dostları onun tabutunu aparanların yolunu kəsiblər. Onlar ölən şəxsin meyitini tabutdan çıxararaq onu son dəfə motosikletlə gəzdiriblər. Videosu virus kimi yayılan hadisə sosial şəbəkə izləyiciləri tərəfindən qınaqla qarşılanıb.