Milli komandamızın hücumçusu Mahir Emrelinin çıxış etdiyi Polşa “Legiya”sı yeni il öncəsi azyaşlı azarkeşlərini sevindirib.

Klubun fanşopunda Varşava təmsilçisinin bir neçə oyunçusu ilə görüşən uşaqlar əyləncəli vaxt keçiriblər.

Futbolçuların arasında Emreli də olub. Fanatların suallarını cavablandıran 24 yaşlı forvard onlara üzərində öz imzası olan top və forma hədiyyə edib.

Qeyd edək ki, Mahir Emreli cari mövsümün əvvəlindən “Legiya”da çıxış edir.