Avropa çempionatının seçmə mərhələsində mübarizə aparacaq 19 yaşadək futbolçulardan ibarət Azərbaycan millisinin yekun heyəti açıqlanıb.

AFFA-dan verilən məlumata görə, baş məşqçi Miloş Velebit 20 oyunçuya dəvət göndərib.

Qeyd edək ki, Azərbaycan yığması sentyabrın 21-də Bolqarıstan, sentyabrın 24-də Türkiyə, sentyabrın 27-də Lüksemburq seçməsi ilə üz-üzə gələcək. Qarşılaşmalar Bolqarıstanın Albena şəhərində təşkil olunacaq.