“İşğaldan azad edilmiş ərazilərdə iqtisadi aktivliyin bərpası və investisiya qoyuluşlarının sürətlənməsi məqsədilə Sahibkarlığın İnkişafı Fondu tərəfindən bu bölgədə fəaliyyət göstərən sahibkarlar üçün zəmanət və subsidiya mexanizmi yaradılıb”.
Xeber-ps.com xəbər verir ki, bununla bağlı iqtisadiyyat naziri Mikayıl Cabbarov “X” sosial şəbəkəsində paylaşım edib.
“Sahibkarlar “Elektron kredit zəmanət” informasiya sistemi vasitəsilə dəstək mexanizmindən faydalana bilərlər:
5 milyon manatadək, müddəti 7 ilədək, illik faiz dərəcəsi 15%-dək olan biznes kreditlərinin 90%-dək hissəsinə dövlət zəmanəti;
Həmin kreditlərin illik faiz dərəcəsinin 10% bəndinin 36 aya qədər müddətdə dövlət tərəfindən subsidiyalaşdırılması.
Kreditin müddətinin yarısından çox olmamaqla, 36 aya qədər güzəşt müddətinin tətbiqi” - deyə Mikayıl Cabbarov paylaşımda bildirib.
İşğaldan azad edilmiş ərazilərimizdə #iqtisadi aktivliyin bərpası və #investisiya qoyuluşlarının sürətlənməsi məqsədilə Sahibkarlığın İnkişafı Fondu (@sahibkarliq) tərəfindən bu bölgədə fəaliyyət göstərən sahibkarlar üçün zəmanət və #subsidiya mexanizmi yaradılıb. Sahibkarlar… pic.twitter.com/l6xL5aByVT
— Mikayil Jabbarov (@MikayilJabbarov) March 12, 2024