“Tesla” və “SpaceX”in sahibi, milyarder İlon Mask Rusiya Prezidenti Vladimir Putini təkbətək döyüşə çağırıb.

Bu barədə milyarder “Twitter” hesabında yazıb.

İ.Mask qalib tərəfin mükafatının Ukrayna olduğunu qeyd edib.

Xatırladaq ki, buna qədər milyarder Ukraynaya dəstəyini ifadə edib. Amerikalı iş adamı özünün “Twitter” səhifəsində ardıcıl olaraq iki paylaşım edərək “Ukraynanı güclü tutun” və “Müharibənin əleyhinə olan böyük Rusiya xalqına rəğbətimi bildirirəm” cümlələrini yazmışdı.